“Lehman Trilogy” trai p’Avilés una función sobre cómo desencadenar una crisis global a ritmu de musical

“Lehman Trilogy” trai p’Avilés una función sobre cómo desencadenar una crisis global a ritmu de musical
10 agostu 10:12 2018 Imprimir

“Lehman Trilogy” trai p’Avilés una función teatral qu’amuesa cómo desencadenar una crisis global a ritmu de musical o como se plantega’l fundimientu d’una saga capitalista. Sergio Peris-Mencheta escueye de nuevu Avilés parl llanzamientu d’una función como director y failo de manera enforma amañosa.

Víctor Clavijo, Pepe Lorente, Darío Paso, Litus, Aitor Beltrán y Lleo Rivera componen un sestetu protagonista que va dar vida a 120 personaxes sobro l’escenariu n’una obra en trés actos. Ye una adaptación del testu del dramaturgu Stefano Massini, nel que s’analiza la cayida del bancu Lehman Brothers al traviés de la hestoria de la familia que la fundó

Heyum Lehman ye un emigrante xudíu alemán que desembarca n’Estaos Xuníos en 1844. Funda una saga y un bancu, Lehman Brothers, que vive y participa del despegue y afitamientu del país norteamericanu como motor y modelu del capitalismu mundial... Hasta que la so cayida metanes escándalos financieros pon en xaque’l sistema económicu internacional xenerando la postrera gran crisis global, en 2008, de la qu’entá se abasnar les consecuencies.

Ye la propuesta de “Lehman Trilogy”, una obra del dramaturgu italianu Stefano Massini, que recueye Sergio Peris-Mencheta pa llanzar, nel so estrenu nacional en castellán, de nuevu n’Avilés. La función forma parte de la programación de escenAvilés de xunetu y agostu, dientro del abonu del ciclu, y la cita pa esfrutala ye nel teatru Palacio Valdés el vienres 17 d’agostu a les 21 hores.

El Teatru Palacio Valdés yá ye casi xuna segunda casa pal actor y director valencianu, que nel añu 2016 vistió de llongura nel coliséu avilesín “La puerta del al llau” na que, como en “Lehman Trilogy”, tamién afaía y dirixía el testu. Nesta ocasión, l’autor ye’l reconocíu dramaturgu italianu “Stefano Massini”.

Mencheta tresforma la obra nun musical un tanto atípicu, llegando a desfilar pol escenariu hasta 120 personaxes, n’una obra en trés actos d’una duración averada de 45 minutos cada unu, na que los intérpretes actúen y canten. Nes sos propies palabres: “Seis músicos-actores, o actores-músicos, seis xuglares, seis vendedores de crecepelo, seis maestros circenses, seis trileros que nos faigan viaxar mientres trés hores a ritmu de worksong, de minstrel de rithm and blues, d’espiritual negru, de ragtime, de twist, y de xacíu, de coru espiritual yiddish”.

Más información

  Categories: