Educación vuelve poner en marcha l’horariu partíu nes biblioteques públiques d’Uviéu

Dende esti martes, 3 de mayu, les biblioteques públiques del conceyu recuperen l’horariu partíu de mañana y tarde, según dictaminó la conceyalía d’Educación del Conceyu d’Uviéu. L’horariu de la rede de biblioteques d’Uviéu, quitando les rurales de San Cloyo, Trubia y Tudela Veguín, va ser de llunes a vienres de 9:30 a 14:30 y de 17 a 19:30 peles tardes.

La conceyalía d’Educación, dirixida por Lourdes García, recupera d’esta forma l’horariu partíu de mañana y tarde que teníen antes estos centros poniendo a disposición de los usuarios les biblioteques a lo llargo de too el día.

Nel casu de les Biblioteques rurales, l’horariu queda de la siguiente manera:

San Cloyo: Llunes y miércoles: de 16:00 a 20:00 h. y Xueves y vienres: de 10:00 a 14:00 h.
Trubia: Llunes y martes: de 16:00 a 20:00 h. y xueves y vienres: de 10:00 a 14:00 h.
Tudela Veguín: Martes y miércoles: de 16:00 a 20:00 h

El restu de biblioteques

Mañanes: 9:30 a 14:30 h.
Tardes: 17:00 a 19:30 h.