Educación va convocar oposiciones nos próximos cinco años

Educación va convocar oposiciones nos próximos cinco años
19 avientu 08:53 2017 Imprimir

La Conseyería d’Educación va convocar trés procesos d’oposición, que se van desenvolver nos próximos cinco años, nel periodu entendíu ente 2018 y 2022, siguiendo asina’l criteriu del Ministeriu d’Educación y con 345 places pa cubrir en 2018: 275 de Secundaria y 70 de FP.

 

D’esta miente, modificase la idega inicial de llindalos a trés años. Ésta foi una de les conclusiones de la mesa sectorial de negociación de personal docente, na que tamién se dio a conocer unu de los datos más esperaos: el númberu d’especialidaes de la primer convocatoria, la de 2017 y que se va executar en 2018. Van Ser finalmente ventisiete. D’elles, diecisiete correspuenden a Secundaria y diez a Formación Profesional.

Lo que se desconoz hasta’l momentu -y xeneró malestar ente los representantes de el trabayadores- ye cuántes places van salir en caúna d’elles, cuando «na mayoría de les comunidaes autónomes yá se conoz de forma detallada». Según espliquen les centrales, la conseyería argumenta qu’entá nun ta cerrada la tasa de reposición (sustituciones por xubilaciones), pindia de la negociación de los Presupuestos Xenerales del Estáu. Hasta la fecha, teniendo en cuenta les xubilaciones qu’hubo en 2016, hai 345 places pa cubrir: 275 de Secundaria y 70 de FP.

A elles sumaránse parte de les 531 que la conseyería quier incluyir nesta primer convocatoria y que se correspuenden nun 70% coles que va convocar pa cumplir cola tasa de estabilización (esto ye, les places qu’habría que convocar p’amenorgar la interinidá a un 8% en 2022 y que tomen como base’l númberu de puestos ocupaos por interinos a 31 d’avientu de 2016, puestos nos que llevaben trabayando los trés años procedentes de forma ininterrumpida). Suatea valoró les meyores realizaes tocantes a la duración de les oposiciones y la llimitación a ventisiete de les especialidaes, en cuenta de 81. «Lo que plantegamos en queno convóquense especialidaes con menos de cinco places, porque nun sirve pa estabilizar plantiyes, sinón para rebaremar la llista», señaló.

Pela so parte, UXT llamentó que los aspirantes nun conozan la distribución de places, porque «tienen que valorar y decidir en munchos casos la comunidá y l’especialidá pola que van preparar la oposición». ANPE detalló l’alcuerdu que l’Alministración púnxolos enriba de la mesa pa ellaborar un calendariu d’execución de los procesos selectivos dende 2018 y 2022,  con cuenta de qu’haya la máxima coordinación con otres comunidaes nos años, los cuerpos que se convoquen y les feches d’entamu, y que tola información pública adelantrese al 15 de payares. Centrales como Suatea -que reclama un nuevu alcuerdu d’interinos- creen que la negociación debe circunscribirse a la mesa y non a una comisión de siguimientu con aquellos sindicatos que decidan suscribir dichu pactu.

  Categories: