Portada Educación Educación va convocar 250 places pa caderalgos de Secundaria tres 20 años

Educación va convocar 250 places pa caderalgos de Secundaria tres 20 años

by redacción asturnews

La Conseyería d’Educación va convocar 250 places pa caderalgos de Secundaria per primera vegada en venti años. Dende 1997, cuando entá nun se tresfirieren les competencies educatives a la comunidá autónoma, nun hubo n’Asturies proceso selectivu pa optar a una plaza de catedráticu d’Enseñanza Secundaria.

Pero d’equí p’arriba, sí habrá convocatories sigún confirmara’l conseyeru d’Educación, Genaro Alonso, esta selmana na Xunta Xeneral. Sicasí, hubo qu’esperar a que concluyera la segunda xunta de l’Alministración coles organizaciones sindicales sobro la ufierta pública d’emplegu pa conocer más datos.

Según el documentu qu’Educación partió ente los sindicatos, la so intención ye abrir un procesu selectivu con 250 places pa caderalgos d’Enseñanza Secundaria. La fecha ta ensin determinar, al igual qu’asocede colos 175 puestos de promoción interna que la conseyería tien previstu convocar p’aportar a un cuerpu cimeru. Según detalló ANPE tres l’alcuentru, nenguna d’estes places (nin les 250 de caderalgos nin les 175 de promoción) consume tasa de reposición (sustituciones por xubilaciones) nin de estabilización (pa rebaxar la tasa d’interinidá al 8%) y apuró revisar la cifra de puestos, “una y bones la ufierta supon solo un 4% del total de la plantiya”.

Nun foi la única demanda que treslladaron les centrales, que coincidieron na necesidá de que la fecha de los exames (en principiu, en xunu) sía la mesma nes distintes comunidaes y que los cuerpos convocaos tampoco difieran pa evitar un efectu llamada. No que fai a esti últimu pidimientu, yá hai un alcuerdu ente les comunidaes socialistes y Castiella y Llión por que en 2018 convóquese Secundaria y FP, y en 2019, Primaria.

Tamién te podria gustar