Portada Educación Educación tornó’l 95% les 129 denuncies d’acosu del cursu pasáu

Educación tornó’l 95% les 129 denuncies d’acosu del cursu pasáu

by redacción asturnews

Mientres l’últimu cursu escolar, el 2017-2018, a la Conseyería d’Educación del Principáu fuéron-y echaes 129 denuncies de posible acosu escolar. D’elles, tan solo en seis casos l’Alministración «constató» qu’esistiera. Esto ye, el 95% de les denuncies fueron tornaes en activándose el protocolu y realizaos los trámites fitos nél.

No que va de cursu (hasta’l 6 de febreru) fueron rexistraes 83 denuncies. «En 65 casos constatóse nel pasu unu del protocolu que nun esisten nicios d’acoso escolar», caltien el Principáu. Nos 18 casos restantes siguir colos siguientes pasos del protocolu coles siguientes resultancies. En seis d’eses denuncies «nun se constata acoso escolar y n’otres tantes, sí». Nos otros seis posibles casos, «entá nun remataron les indagaciones para poder concluyir si esiste o nun acoso escolar».

L’enclín ye, poro, que la inmensa mayoría de les denuncies que lleguen a la Conseyería d’Educación -al traviés de los mesmos centros, les families, la comisión d’escolarización ya inclusive por denuncies policiales- son tornaes. Sobro’l porqué d’esta situación nun hai xuna respuesta per parte de la Conseyería d’Educación, que prefier nun valorar los datos de forma pública. Munches entrugues, poro, queden entá nel aire. ¿Tán funcionando los protocolos d’actuación? ¿Dan los datos xuna radiografía esacta del bullying n’Asturies? ¿En qué consiste esi 95% de denuncies que son tornaes? ¿Lleguen a los organismos oficiales tolos casos que se producen nes aules asturianes?

De mano, hai que tener en cuenta qu’hasta agora esistíen pocos datos oficiales. Hai munchos estudios, encuestes de distintos organismos y según quién sía la fonte, la metodoloxía del estudiu o inclusive qué se considera acoso, la incidencia varia ente daqué menos del 4% hasta’l 10%. Hai estadístiques que falen de qu’hasta un 24% de los alumnos español haber sufiertu en dalguna ocasión. Nel casu d’Asturies, si se tomaren como referente eses 129 denuncies, la incidencia sería mínima.

Tamién te podria gustar