Portada Educación Educación solicita a los centros un plan pa un posible confinamientu

Educación solicita a los centros un plan pa un posible confinamientu

by redacción asturnews
Foto: srgpicker (https://www.flickr.com/photos/srgblog/)

Esti llunes diose a conocer la circular d’entamu de cursu pa los centros públicos y el plan de continxencia de finales de xunetu, actualizáu, pa dotar los centros de mayor seguridá, faciendo un apueste nidiu pola presencialidá, pero solicitando tamién a los centros un plan pa un posible confinamientu.

Na primera, la conseyería yá alvierte de que, «n’una de les etapes más convulsas de la nuesa hestoria, vímonos abogaos a faer frente a la incertidume de nun saber nin cuándo vamos recuperar siquier un adicu d’aquella vieya normalidá». Ello ye que magar que la presencialidad va ser la norma, alerta a los centros de que faigan «una planificación educativa pal escenariu de nuevu confinamientu y siguir esta programación específica na enseñanza telemática». Encamiénta-yos a ellaborar una, pero previendo los otros dos escenarios: la enseñanza semipresencial y ‘online’.

Ente les acciones que se piden nel entamu de cursu ta «detectar al alumnáu ‘desengancháu’ o ensin recursos tecnolóxicos», amás de realizar actividaes pa comprobar el nivel competencial col que torna cada alumnu y una evaluación socioemocional. Pa ello, los centros tendrán de faer «un rexistru del alumnáu con dificultaes pa siguir el cursu de manera telemática» y otru de «los equipamientos y recursos informáticos de los que dispon el centru».

La creación de grupos estables de venti alumnos hasta segundu de la ESO ye una de les llínees del nuevu cursu. Y tocante a los cursos dende terceru de la ESO, la circular recueye la información adelantrada poL COMERCIU. Ellí onde nun se pueda garantizar la distancia de seguridá (la mayoría de los institutos), va adoptase un modelu semipresencial y el planteamientu que se propón ye que los alumnos vaigan a clase trés díes una selmana y dos la siguiente.

Les clases van durar 45 minutos y va garantizase la total presencialidá del alumnáu de FP Básica y los Programes de Meyora del Aprendizaxe y Rendimientu (PMAR), lo mesmo que de los que tean nuna situación de vulnerabilidá y los que fueren identificaos como alumnos en riesgu de fienda dixital.

Tamién te podria gustar