Educación saca les bolses d’interinos pa llingua asturiana y gallego-asturiano

by asturnet | febrero 2, 2006 12:37 am

La Conseyería d’Educación del Principáu, al través de la so web institucional educastur[1] vien de publicar les bolses d’interinos de les especialidaes de llingua asturiana y de gallego asturiano. La contratación de docentes d’estes especialidaes pol sistema avezáu de llistes yera una reivindicación de colectivos d’interinos y sindicatos qu’agora vese algamada.

La resolución del departamentu de Recursos Humanos de la Conseyería lleva fecha de 30 de xineru y puede consultase ya xunta la llista d’admitíos ya escluíos bolsa[2] tanto pa profesores d’Educación Secundaria como pal cuerpu de maestros, especialistes en llingua asturiana y en gallego asturiano.

Nos últimos cursos Educación discriminaba a los interinos d’estes especialidaes con un sistema distintu al siguíu pal restu de les contrataciones y un grupu d’interinos organizáu en colectivu llevo a fechu diverses protestes pa reivindicar l’apertura de llistes específiques.

Bolsa d’interinos de llingua asturiana y gallego asturiano[3]

Endnotes:
  1. educastur: http://www.educastur.princast.es/
  2. bolsa: http://www.educastur.princast.es/humanos/interina/doc/20060202_gal_ast_resprov.pdf
  3. Bolsa d’interinos de llingua asturiana y gallego asturiano: http://www.educastur.princast.es/humanos/interina/doc/20060202_gal_ast_resprov.pdf

Source URL: http://asturnews.com/educacion-saca-les-bolses-dinterinos-pa-llingua-asturiana-y-gallego-asturiano/