Educación saca bolses d’interinos pa llingua asturiana y gallego-asturiano

Educación saca bolses d’interinos pa llingua asturiana y gallego-asturiano
26 09:29 2015 Imprimir

Un día después de que SUATEA denunciara la falta de profesoráu, apaez la convocatoria de bolses d’interinos ente les que s’inclúi l’asturianu y el gallego-asturianu.

La Conseyería d’Educación del Principáu, al través de la so web institucional educastur, vieno acabante de publicar les bolses d’interinos de les especialidaes de llingua asturiana y de gallego asturiano. La contratación de docentes d’estes especialidaes pol sistema avezáu de llistes yera una reivindicación de colectivos d’interinos y sindicatos que nun se viere algarada hasta l’añu 2006.

La resolución del departamentu de Recursos Humanos de la Conseyería lleva fecha de 25 de payares y abre un plaza hasta’l 10 d’avientu tanto pa profesores d’Educación Secundaria como pal cuerpu de maestros, especialistes en llingua asturiana y en gallego-asturianu.

Hasta 2006 Educación discriminaba a los interinos d’estes especialidaes con un sistema distintu al siguíu pal restu de les contrataciones y un grupu d’interinos organizáu en colectivu llevo a fechu diverses protestes pa reivindicar l’apertura de llistes específiques. Les caberes vegas que s’abriera una bolsa d’estes pespecialidaes foi en 2011 y 2013.

Les irregularidaes na ufierta de l’asignatura en Secundaria, la non cobertura de baxes de Gallego-Asturiano dende hai más d’un mes nes escueles de Tapia y la illegalidá de la xuntanza de grupos con ratios d’alumnáu de más de 25 alumnos en Primaria foron delles de les denuncies qu’esta mesma selmana facía’l sindicatu SUATEA y que lu facía reclamar un cambiu de rumbu urxente en política lingüística. Son casos como los de les Escueles Llerón-Clarín y Aniceto Sela de Mieres, onde l’alumnáu d’Educación Infantil (E.I.) venía recibiendo clases d’Asturianu dende hai cuantayá (nel Llerón-Clarín yá fue centru pilotu na implantación de l’asignatura d’asturianu nel añu 1984) y esti cursu tovía nun les reciben.

SUATEA y la Comunidá Educativa d’estos centros lleven reclamando dende primeros de cursu que s’ampliara’l contratu del profesor d’Asturianu a xornada completa nesi centru y que s’¡iguara’l casu del Colexu La Vallina de Lluanco onde un profesor d’Asturianu, contratáu a media xornada, imparte clases nun grupu de primeru y otru de terceru de Primaria con 30 alumnos y alumnes, consecuencia de la xuntanza de dos del mesmu nivel. Lo mesmo pasa con otru grupu de sestu con 28 alumnos.

Loading Facebook Comments ...