Portada Educación Educación rellanza’l séptimu programa de FP Dual

Educación rellanza’l séptimu programa de FP Dual

by redacción asturnews
Foto: Irekia (https://www.flickr.com/photos/irekia/)

La pandemia paralizó mientres el pasáu añu 2020 una montonera de proyectos, pero agora la Conseyería d’Educación retoma una de les iniciatives qu’hubo qu’aplazar. El departamentu lideráu por Carmen Suárez rellanza’l VII Programa de Formación Profesional (FP) Dual, que quedare paralizáu de resultes de la pandemia del coronavirus.

Los plenos del Conseyu Escolar y del Conseyu d’Asturies de la Formación Profesional, n’una xunta telemática -presidida por Carmen Suárez-, dieron esta selmana pasada’l vistu bonu a la propuesta de resolvimientu, qu’afai les feches de les estancies n’empreses pa facilitar la titulación del alumnáu.

Esta noticia llega casi un añu dempués de que les alministraciones viérense obligaes a camudar les circunstancies de final del cursu pasáu. Y eso, pasó por suprimir el módulu de la Formación en Centros de Trabayu. Les instrucciones oficiales anunciaron que los alumnos que tuvieren cursando nun podríen titular na modalidá dual. Porque yera imposible realizar la formación n’empreses riquida. Esti programa sigue la llínea de los seis anteriores, a la espera de l’aprobación d’una nueva llei de Formación Profesional, que va incluyir cambeos nel marcu de la enseñanza dual y que ta previstu que se desenvuelva a lo llargo d’anguaño.

La FP dual, consiste na combinación de la formación nos centros educativos y nuna serie d’empreses xuntaes a estos programes. Esta modalidá n’Asturies nun s’amenorga a determinaos ciclos, sinón que ta abierta a cualquier ciclu formativu de los ufiertaos. L’alumnáu, en función de la planificación de les empreses participantes, pasa ente 660 y 1.000 hores de práctiques en centros de trabayu. La última edición, el VI Programa de Formación Profesional Dual, cuntó cola implicación de más de 185 empresa. De la totalidá del alumnáu asturiano que llogra’l títulu de Formación Profesional, el 6% del mesmu facer al traviés d’esta modalidá dual. Ente toos aquellos qu’escueyen esta opción formativa, la mayoría cursen un grau superior. El 62% escueyen esta opción, frente al 38% restante, qu’estudien un grau mediu.

Nesta séptima edición, los periodos obligatorios de les estancies formatives n’empreses van desenvolver mientres los meses de xunetu y setiembre, nel cursu 2020-2021, y n’abril, mayu y xunu del añu académicu 2021-2022. Amás, va ser posible realizar hores adicionales d’ochobre a marzu.

La Conseyería d’Educación amenorgó la documentación alministrativa que se xenera pa embrivir esta parte del trabayu del profesoráu d’estos ciclos formativos.

Tamién te podria gustar