Educación refuga acabar pa cola semipresencialidá en Secundaria

Educación refuga acabar pa cola semipresencialidá en Secundaria
30 11:20 2020 Imprimir

La Conseyera dÉducación foi  bien clara la selmana pasda al falar de que los alumnos de Secundaria asistan a les aules en díes alternos nun ye la meyor de les soluciones. Pero ye la única a la que podía optase: “Tendríamos qu’ufiertar más, pero hasta equí lleguemos”, aseguró la conseyera d’Educación de la que refuga otra vuelta acabarpa  cola semipresencialidá en Secundaria.

La conseyera contestaba al grupu parlamentariu de Ciudadanos que, en axuntándose con families afectaes por esta situación, llevó de nuevu a la Xunta l’alderique sobro la semipresencialidad. Carlos Fanjul solicitó que, tres la Navidá, entámese la vuelta presencial de tolos alumnos de Secundaria a clase, de la mesma que se fixo colos de segundu de Bachilleratu.

Pero pola respuesta de Suárez nun paez qu’eso se vaiga a dar. Pa Fanjul, Educación optó pola solución más barata» y dexa en situación de desigualdá a los alumnos que los sos centros sí pudieron entamar la enseñanza presencial pa toos. La conseyera defendió l’esfuerzu ímprobo» que tán faciendo los centros y llamentó que delles families y alumnos siéntanse «abandonaos». Nun hai alternativa, aportunó, pa cumplir coles garantíes sanitaries, una vegada que se refugó habilitar espacios fora de los centros.

El diputáu de Ciudadanos na Xunta adelantró que tres la primer evaluación van solicitar les calificaciones medies d’unos y otros pa comprobar les resultancies d’unu y otru modelu.

  Categories: