Portada Educación Educación recupera la Selectividá y dexa les reválides ensin efectos académicos

Educación recupera la Selectividá y dexa les reválides ensin efectos académicos

by redacción asturnews
Foto: Ministerio de Defensa (https://www.flickr.com/photos/mindefensa/)

Les reválides d’ESO y Bachilleratu nun se van enllantar nin nesti cursu nin nos siguientes y les revalides van quedar ensin efeutu sigún asoleyó esta selmana’l gobiernu.

El Gobiernu, tres tres años de guerra educativa, plegose ayeri a les esixencies de la oposición, les autonomíes y tola comunidá escolar, que protagonizaron revueltes parllamentaries, recursos xudiciales y hasta tres fuelgues nes aules en busca de la derogación de los puntos más polémicos de la Llei Orgánica de Meyora de la Calidá Educativa (LOMCE), qu’en 2013 el PP impúnxo-yos con el so mayoría absoluta.

El ministru d’Educación, Íñigo Méndez de Vigo, apautó colos sos homólogos autonómicos, axuntaos demientres hora y media na Conferencia Sectorial d’Educación, el conteníu d’un decretu llei que’l Conseyu de Ministros va aprobar de momentu, que va modificar la LOMCE y va paralizar ‘sine die’ la puesta en marcha de les reválides de cuartu de la ESO y de segundu de Bachilleratu que la norma ordenaba enllantar esti cursu.

Van Quedar paralizaes «hasta la entrada a valir de la normativa resultante del pactu d’Estáu pola educación», va dicir el decretu, que ye tantu como reconocer que «les reválides yá son hestoria», según el conseyeru d’Educación cántabru, Ramón Ruiz, vocera de los ocho comunidaes socialistes, que consideró l’alcuerdu «un gran ésitu». Fueron les mesmes palabres qu’emplegó’l titular d’Educación y Cultura nel gobiernu del Principáu pa resumir l’alcuentru col ministru en Madrid. Genaro Alonso salió d’esa xunta satisfechu» por un ésitu ensin precedentes».

Tamién te podria gustar