Educación publica’l resolvimientu de les ayudes a los Erasmus

Educación publica’l resolvimientu de les ayudes a los Erasmus
06 mayu 13:06 2019 Imprimir

El Boletín Oficial del Principáu d’Asturies (BOPA) publicó esta selmana’l resolvimientu de la convocatoria d’ayudes a los estudiantes del programa d’intercambiu Erasmus. El documentu, con fecha 23 d’abril, pon fin a meses de retrasos na distribución de les beques que concede la Conseyería d’Educación como complementu a les subvenciones cofinanciaes pola Unión Europea, el Ministeriu d’Educación y l’Universidá d’Uviéu pa estudiar nel estranxeru.

Los Erasmus asturianos atopabense hasta agora por cuenta de conocer si concedíen-yos o non unes ayudes que la so cuantía va dende los 200 a los 1.800 euros en función de los meses d’estancia’l país estranxeru. Dalgunos, inclusive, tornaron del so intercambiu antes de saber si llograríen o non l’ayuda.

El presupuestu total de la convocatoria d’ayudes complemetaries a la movilidá xube a 300.000 euros pa los estudiantes de la Universidá d’Uviéu, el centru acomuñáu de la UNED nel Principáu y los centros qu’imparten enseñances artístiques cimeres.

Pa ser beneficiarios de l’ayuda, los estudiantes teníen de cumplir dellos requisitos: tar matriculaos, ser axudicatariu d’una beca Erasmus, nun esfrutar n’exercicios anteriores de movilidaes con centros estranxeros, nun superar los estragales de renta de la unidá familiar, nun rematar los estudios de grau antes de la movilidá y nun ser debedor del Principáu.

  Categories: