Educación Educación prepara la nueva modalidá de Bachilleratu Xeneral by redacción asturnews 30 de setiembre, 2021 written by redacción asturnews 30 de setiembre, 2021 3,1K El Gobiernu entama una reorganización nel Bachilleratu (de 16 a 18 años) que va dexar l’estudiu nos institutos del llamáu Bachilleratu Xeneral, una modalidá qu’incorpora materies de calter científicu, humanísticu, socioeconómicu y artísticu, nun intentu por que el alumnu nun tenga qu’arrenunciar a les lletres, les ciencies o les artes. Nun documentu que’l Ministeriu d’Educación y Formación Profesional unvió a les comunidaes autónomes, el Gobiernu plantega cinco modalidaes de Bachilleratu (en llugar de los trés actuales), incluyendo’l citáu Xeneral, y el d’Arte, que se va estremar en dos, una caña empobinada a la música y les artes escéniques y otra a les artes plástiques, la imaxe y el diseñu. El Bachilleratu Xeneral podría encaxar nel currículum d’estudiantes que deseyen cursar na universidá carreres sociosanitaries o de ciencies sociales, como Psicoloxía o Enfermería. Nesta nueva ordenación académica, unu de les exes de la Lomloe, la llei d’Educación aprobada n’avientu, el ministeriu tamién propón una reorganización de materies na Educación Secundaria Obligatoria (ESO, de 12 a 16 años), y la novedá d’una materia opcional, Formación y Orientación Personal y Profesional, que se va impartir en cuartu y ta basada en disciplines como la psicoloxía, la socioloxía y l’antropoloxía. L’Executivu quier, amás, que los alumnos de la ESO nun tengan que decidir en cuartu si opten pol Bachilleratu o la Formación Profesional, de cuenta que puedan tomar esta decisión al rematar la ESO. La ministra Pilar Allegría va escuchar a les comunidaes autónomes y a la comunidá educativa antes de poner en marcha los cambeos nel cursu 2022-2023. La propuesta recueye cinco tipos de Bachilleratu, los actuales de Ciencia y Tecnoloxía, Humanidaes y Ciencies Sociales, los dos d’Artes y la nueva modalidá del Xeneral, que se dirixe al alumnáu que rique una formación integral que-yos dexe afondar en distintos ámbitos de les ciencies y les lletres, pero ensin necesidá de centrase n’un área de conocencies concreta. «Arriendes d’ello, hai de configurase incorporando de forma equilibrada materies de calter científicu, humanísticu, socioeconómico y artísticu, pa lo que se cunta con una parte común y una parte específica», recueye’l documentu del ministeriu. Nueves materies Esta nueva modalidá contempla materies de nueva creación, como Matemátiques xenerales y Ciencies xenerales, Economía, emprendimiento y actividá empresarial y Movimientos Culturales y Artísticos (que se centra nes corrientes de la segunda metá del sieglu XX hasta l’actualidá). Educación va introducir cambeos nes denominaciones de delles asignatures nel últimu ciclu d’institutu. Asina, nel Bachilleratu de Ciencies y Tecnoloxía, la enantes denominada Bioloxía y Xeoloxía llamaráse Bioloxía, Xeoloxía y Ciencies Ambientales pa dar mayor relevancia a los saberes rellacionaos colos ecosistemes, y Xeoloxía (que s’estudia en segundu) va pasar a llamar Xeoloxía y Ciencies Ambientales pa destacar «la interacción ente la geosfera y la biosfera». Nel Bachilleratu d’Humanidaes y Ciencies Sociales, los alumnos van poder cursar tantu Llatín como Matemátiques aplicaes a les Ciencies Sociales, bien escoyendo una como obligatoria y l’otra como modalidá opcional. Tamién van tener Economía en primeru, y Empresa y diseñu de modelos de negociu como disciplina de segundu cursu. Los alumnos del Bachilleratu d’Artes van tener Lliteratura dramática en sustitución de Lliteratura universal, según otres materies como Coru y técnica vocal, Cultura audiovisual y Fundamentos artísticos y Proyectos artísticos. 0 FacebookTwitterPinterestEmail Anterior Entamen les XXIII Xornaes Internacionales de Patrimoniu Industrial siguiente Google.com ye la páxina web más visitada del mundu Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...