Portada Educación Educación pide dar máximes facilidaes pa pasar de cursu

Educación pide dar máximes facilidaes pa pasar de cursu

by redacción asturnews

La Conseyería d’Educación publicó hai poco un resolvimientu nel que s’aprueben instrucciones de midíes educatives estraordinaries hasta rematar el cursu por cuenta de la continuidá de la pandemia. Y en llínea colo manifestao pol ministeriu en septiembre, pidese a los docentes dar les máximes facilidaes por que los alumnos pasen de cursu.

La petición nel casu de los cursos de Primaria, empobinase a que’l profesoráu valore «el calter global de la evaluación del alumnáu, ensin tener en cuenta les llimitaciones qu’afecten al númberu d’árees ensin superar». Y nel so casu, encamiéntase «valorar el llogru de los oxetivos del cursu, según el grau d’alquisición de les competencies correspondientes». La repetición de cursu, sorraya, va ser «escepcional» y va adoptase «n’escosando’l restu de les midíes de refuerzu y de sofitu para arreglar les dificultaes d’aprendizaxe del alumnáu». Y de ser asina, nun pasar de cursu, «el tutor va informar a les families de toles midíes de sofitu educatives adoptaes y la xustificación de la so decisión».

En Secundaria, que se vio afectada pola semipresencialidá nos cursos de terceru y cuartu, el departamentu de Carmen Suárez, aboga por considerar «especialmente» les circunstancies del contestu educativu del presente curso, «teniendo en cuenta la organización escolar y les adaptaciones y adecuaciones de les programaciones docentes que s’efectuaren».

Al igual qu’en Primaria, la decisión de pasar de cursu na ESO adoptaráse «de forma colexada» pol equipu docente atendiendo a «la consecución d’oxetivos y grau d’alquisición de competencies», y la repetición tamién va ser escepcional y tendrá de tar «debidamente encontada». Y en Bachilleratu, tamién se pide que la repetición adoptar en función de la evolución académica «globalmente considerada» y teniendo en cuenta «el contestu, la organización escolar y l’adecuación de les programaciones docentes».

 

Tamién te podria gustar