Portada Educación Educación dexa decidir a les families si volver a les aules pala EBAU

Educación dexa decidir a les families si volver a les aules pala EBAU

by redacción asturnews
María Isabel Celaá - Foto: La Moncloa - Gobierno de España (https://www.flickr.com/photos/lamoncloa_gob_es/)

La Conseyería d’ Educación dexa decidir a les families si volver a les aules pala EBAU y comunica que nun se reabrirán les d’Infantil nin Educación Especial.

Cuando Asturies pase a la siguiente fase del plan de la desescalada, el 25 de mayu, los institutos de Secundaria de la rexón van tar dispuestos pa recibir a los alumnos de segundu de Bachilleratu que quieran allegar a sesiones de repasada y refuerzu de cara a la EBAU. Tamién lo tarán los centros de FP, que van faer lo mesmo colos alumnos de segundu de los ciclos de Grau Mediu y Superior, pa la finalización y defensa de los proyectos de fin de ciclu. En total, unos 7.500 mozos asturianos podríen volver (4.300 de la EBAU y 3.200 de FP).

Tamién van poder faelo los estudiantes de cuartu d’ESO que precisen de tutoríes de refuerzu. «Magar nun esisten fórmules máxiques, creemos qu’hai ciertu consensu na conveniencia de que l’alumnáu de los cursos terminales superiores pueda beneficiase voluntariamente de delles selmanes d’actividaes de refuerzu presenciales».

Asina lo comunicó ayeri la conseyera d’Educación, Carmen Suárez, en participando na Conferencia Sectorial d’Educación que presidió la ministra Isabel Celáa y na que tuvieron presentes toles comunidaes. L’oxetivu yera llegar a un alcuerdu sobro esti final de cursu y empezar a sentar les bases del entamu del próximu. Alcuerdu como tal nun hubo, una y bones el ministeriu dexa en manos de les comunidaes la última decisión. Lo que fai’l Gobiernu coles fases ye señalar les posibilidaes. Depués, cada territoriu decide. Y en el casu d’Asturies, siguiendo la llínea xeneral del país, la decisión ye nun reabrir los centros d’Infantil. L’Executivu plantegara la posibilidá de dexar que los neños d’ente 0 y 6 años pudieren volver a les aules si los padres trabayaben. Pero lo cierto ye que la idea nun gustaba a naide. Ye la etapa na que más difícil faise controlar les midíes de seguridá ya hixene. Y nin siquier la cuestión de la conciliación paecía entendible. «¿Los de siete años cúriense solos?», preguntábase tola comunidá educativa.

La conseyera considera que los centros tienen yá la información referente a los protocolos de seguridá pa volver a los centros el día 18. La negociación colos sindicatos va entamar esi mesmu día, pero la mayoría, con SUATEA entamando güei mesmu con una nota de prensa, camienten que ye correr un resgu innecesariu,

Tamién te podria gustar