Educación dexa 57 places vacantes tres les oposiciones de secundaria

Educación dexa 57 places vacantes tres les oposiciones de secundaria
23 xunetu 20:02 2018 Imprimir

Una vegada remataos los procesos selectivos de secundaria a los que se presentaron más de 6.000 persones queden vacantes 57 de les 459 places que salieron a concurso oposición sigún denuncien los opositores.

Llama-yps especialmente l’atención que delles especialidaes, como Matemátiques, solo cubre cuarenta de les 55 places ufiertaes, o Caltenimientu de Vehículos, onde son más les vacantes (11) que los aprobaos (7).

El fechu de qu’el 12,4% de les places quedaren vacantes  ye malo d’entender pa dellos opositores, que señalen que’l númberu de suspensos na primera de los dos pruebes realizaes foi bien eleváu. Ello ye que en delles materies, esta peñerada inicial yá dexó menos aprobaos que puestos disponibles.

La escesiva durez de la prueba práctica y la falta de tresparencia del procesu y de los criterios de calificación aplicaos son tamién motivos de quexa per parte de los docentes que participaron nel procedimientu. Dalgunos de los esaminaos en materies como Francés protesten tamién pola irregularidá nos criterios publicaos na convocatoria de les oposiciones.

Los afectaos, como l’Asociación de Docentes Interinos d’Asturies, llamentaben estos díes les condiciones nes que se llevó a cabu esta ufierta pública d’emplegu.

  Categories: