Portada Educación Educación calcula en 40 les unidaes d’Infantil que se van suprimir el próximu cursu

Educación calcula en 40 les unidaes d’Infantil que se van suprimir el próximu cursu

by redacción asturnews
Foto: nicholas.barker1997 (https://www.flickr.com/photos/146512011@N07/)

Educación calcula en 40 les unidaes d’Infantil que se van suprimir el próximu cursu, por mor de que’l próximu añu van empecipiar la etapa escolar d’Infantil los neños nacíos en 2015, añu nel que vinieron al mundu n’Asturies un total de 6.455 pequeños. Esto ye, 145 menos que l’añu anterior y 214 menos qu’en 2013.

Esa progresiva baxada nes tases de natalidá nel Principáu va traducise nun retayu nes unidaes d’Infantil con que van cuntar los centros educativos, tantu públicos como alcordaos, de la rexón. Foi lo qu’avanzó ayeri’l conseyeru d’Educación, Genaro Alonso, tres la xunta del Conseyu de Gobiernu. Nuna comparecencia énte los medios, envaloró nunos cuarenta les unidaes d’Infantil que va haber que suprimir, anque son cifres que podríen variar en función de los datos definitivos de matrícula.

Alonso tamién ufiertó ayeri la cifra definitiva de presentaos a les oposiciones pa cubrir 639 places d’Educación Secundaria y FP celebraes el pasáu sábadu. Allegaron al exame’l 64,1% de los 5.387 docentes inscritos. Más ente los de Secundaria (el 66%) qu’ente los del FP (59%). El procesu desenvolver con absoluta normalidá» y consiguió evitar el denomináu ‘efectu llamada’ tres l’alcuerdu alcanzáu ente dolce comunidaes autónomes pa celebrar les pruebes de forma simultánea.

Tamién te podria gustar