La Conseyería d’Educación y Cultura del Principáu publicó esti vienres pasáu n’Educastur l’axudicación definitiva d’aspirantes a interinidá pal cursu 2018-2019, dientro de la provisión de places de calter temporal: un total de 3.110 places d’interinos.
Nesta primer cita axudicáronse, principalmente, places vacantes, a les que se añedirán otres derivaes de sustituciones, puestos de lliberaciones sindicales y otres situaciones temporales.
Del total de vacantes, 1.815 son pa maestros y el restu, pa los demás cuerpos docentes, principalmente profesores d’Enseñanza Secundaria y Formación Profesional.
El personal axudicáu esti vienres va empezar la so actividá nos centros a partir del 3 de setiembre. Les actividaes lectives van empezar el 10 de setiembre n’Infantil y Primaria y el 14 de setiembre en Secundaria.
