Educación axudica 2.622 places d’interinos pa cubrir l’entamu del cursu escolar

Educación axudica 2.622 places d’interinos pa cubrir l’entamu del cursu escolar
02 setiembre 13:51 2017 Imprimir

La Conseyería d’Educación publicó esti miércoles  pasáu l’axudicación definitiva d’aspirantes a interinidá pal cursu 2017-2018, dientro de la provisión de places de calter temporal:2.622 places d’interinos que s’incorporaron yá esti vienres a la so plaza.

Según informó’l Gobiernu asturianu al traviés d’una nota de prensa, nesta primer cita axudicáronse, principalmente, places vacantes, a les que se añedieran otres derivaes de sustituciones, puestos de lliberaciones sindicales y otres situaciones temporales. Del total de vacantes, 1.474 son pa maestros y el restu, pa los demás cuerpos docentes, principalmente profesores d’Enseñanza Secundaria y Formación Profesional.

La conseyería señala na citada nota que realizó “un importante esfuerzu de planificación” nesta primer convocatoria partiendo de les necesidaes de profesoráu comunicaes pelos centros y les conocíes pola planificación educativa y de matrícules. Amás, per primer vegada, nel presente curso previose una primer axudicación provisional, que foi publicada’l 23 d’agostu, con un plazu d’allegamientos a la mesma qu’agora remata cola axudicación definitiva.

El personal agora axudicáu entamó la so actividá nos centros esti vienres 1 de setiembre. Les actividaes lectives van empezar el 11 de setiembre n’Infantil y Primaria y el 13 de setiembre en Secundaria.

  Categories: