Portada Conceyos Uviéu amplía’l presupuestu p’ayudes a mercar llibros de testu

Uviéu amplía’l presupuestu p’ayudes a mercar llibros de testu

by redacción asturnews

La Xunta de Gobiernu del Conceyu d’Uviéu aprobó la selmana pasada l’amplíación en 9.926 euros de la dotación presupuestaria destinada a la compra de llibros de testu y material didáctico complementariu.

Esta medría de la partida económica va dexar qu’otros 92 estudiantes perciban la subvención de 100 euros per alumnu qu’establez la convocatoria. En total, 904 alumnos y alumnes del conceyu beneficiaránse esti cursu de les ayudes a la compra de llibros y material didáctico.

La conceyalía d’Educación, que dirixe Merced González, realizó per primer vegada esta medría de la partida pa compra de llibros de testu. La medría de la partida persupuestaria foi posible gracies a la incorporación del remanente de la convocatoria de les ayudes de comedores escolares del cursu 2014-2015.

La convocatoria d’ayudes a la compra de llibros de testu y material didáctico recibió un total de 2.250 solicitúes de les que primeramente s’envaloraron 812. La medría de la partida presupuestaria va dexar conceder 92 ayudes más y la evidencia de lo necesaria que yera alcuéntrase na llista d’espera pa percibir estés subvenciones, que supera’l millar de solicitúes.

Tamién te podria gustar