Uviéu amplía l’apertura de los colexos pel branu a tol mes d’agostu

La Xunta de Gobiernu del Ayuntamientu d’Uviéu aprobó esta selmana los pliegos de condiciones del concursu públicu pa les actividaes que se van desenvolver nos centros educativos el próximu branu cola novedá d’abrir tol mes d’agostu y un presupuestu máximu de 150.000 euros.

La Xunta de Gobiernu celebrada  aprobó esta selmana los pliegos de condiciones del concursu públicu pa les actividaes que se van desenvolver nos centros educativos el próximu branu. La conceyalía d’Educación, Deportes y Salú, que dirixe Merced González, inclúi como novedá fundamental l’ampliación d’apertura de los colexos a tol mes d’agostu y setiembre hasta’l día anterior al fitu como empiezu del  próximu curos escolar col fin de facilitar la conciliación de les families nel periodu branizu. El presupuestu máximu del programa d’actividaes xube a 150.000 euros (IVA incluyíu).

El programa branizu d’actividaes en centros educativos va destináu a alumnos d’Infantil y Primaria. L’equipu de gobiernu municipal comprometióse’l pasáu branu a ampliar el periodu d’apertura de los centros pa facilitar a les families una meyor conciliación en dómines non lectives, incluyendo amás del branu les vacaciones escolares de Navidá y Selmana Santa.

El pasáu branu cuatro centro educativos permanecieron abiertos mientres seis semana y total de 3.436 escolares tomaron parte nes actividaes programaes. Nel casu de les pasaes vacaciones de Navidá fueron siete los colexos nos que se programaron actividaes con un total de 248 participantes. L’aprobación de los pliegos de condiciones del concursu supon el primer pasu pal desenvolvimientu del programa branizu d’apertura colegio.