Educación tien como perspectiva’l tercer y últimu trimestre escolar

by redacción asturnews | marzo 25, 2020 9:40 am

Educación tien como perspectiva’l tercer y últimu trimestre escolar, como vieno acabante dexar claro Carmen Suárez qie pidió tamién al profesoráu qu’asele na midida de los posible a los alumnos y les sos families «para encarar con responsabilidá la obligación de garantizar el derechu a la educación».

La conseyera d’Educación, Carmen Suárez, pidió a los equipos directivos de los centros escolares del Principáu que, cuidao que l’estáu d’alerta va enllargase hasta’l 11 d’abril, tienen de trabayar cola perspectiva del tercer y últimu trimestre, y encetar les temes que sían prioritarios.

Nuna carta na que respuende a delles suxerencies que los equipos directivos de los centros educativos fixéron-y llegar a la conseyera, recuerda qu’ente’l 6 y el 12 d’abril taben previstes les vacaciones y que, poro, queden pocos díes p’acabar esti trimestre accidentáu» y ensin que tea clara cómo va ser la vuelta a les aules.

Poro, según Suárez, «imponse trabayar cola perspectiva del tercer y últimu trimestre» ya intentar encetar «les temes que son prioritarios nestes circunstancies» y qu’esmolecen a los equipos directivos, según la escolarización pal próximu cursu.

Los centros educativos treslladaron a la conseyera indicaciones precises sobro la evaluación y el calendariu, sobro la unificación y coordinación de xeres, la formación en TICS, sobro si hai qu’avanzar o non nes materies y sobro la información qu’hai que treslladar a les families.

La conseyera comprometióse a esclariar estes cuestiones «lo más llueu», magar alvirtió de que dalgunes d’elles son competencia del Ministeriu d’Educación.

Coles mesmes, asumió la necesidá de ser xuna Conseyería «cercana y empática» polo que ta estudiando la forma de tar conectada con tolos equipos directivos, al empar qu’anunció que’l Serviciu d’Inspección va caltener contactos habituales colos centros.

Énte la posibilidá d’establecer redes de sofitu emocional y social p’alumnáu, families y docentes, si se allargar enforma esta situación, la conseyera indicó que recibieron la ufierta de colexos profesionales que’l so sofitu tien de coordinase cola Conseyería de Salú y la disposición d’una llínea telefónica.

Suárez, en reconociendo que ta esmolecida poles remortines sociales y económiques» que terminarán per llegar a les escueles cuando la situación normalícese, pidió tamién al profesoráu qu’asele na midida de los posible a los alumnos y les sos families «pa encarar con responsabilidá la obligación de garantizar el derechu a la educación».

Source URL: http://asturnews.com/educacion-afitase-como-perspectival-tercer-y-ultimu-trimestre-escolar/