Portada Educación Educación afirma que «nun hubo incidentes importantes» na oposición a docente

Educación afirma que «nun hubo incidentes importantes» na oposición a docente

by redacción asturnews
Genaro Alonso, Conseyeru d'Educación, Cultura y Deportes

Educación afirma que «nun hubo incidentes importantes» na oposición a docente que diz que foi dafechu «bien positiva». Asina calificó ayeri’l conseyeru d’Educación en funciones la organización de les oposiciones docentes, de les que la so primer prueba celebróse’l pasáu sábadu con 5.071 aspirantes pa 781 places de distintes especialidaes.

Genaro Alonso incidió nel bon funcionamientu de la novedá d’esta convocatoria, que consistió en que los opositores pueden aportar per vía telemática al traviés de Educastur, a información relativa a la convocatoria o a la fecha na que tienen qu’allegar ante’l tribunal a lleer el so exame.

El conseyeru en funciones aprofió que dende Educación púnxose enfotu abondu na planificación del procedimientu selectivu del cuerpu de docentes «a tener de lo que prevíamos, un númberu abondosu d’aspirantes», lo mesmo que de especialidaes y de tribunales.

Esta selmana siguió’l procesu selectivu cola fase de llectura de los exames nes distintes sedes. Darréu, los y les opositores van tener qu’apurrir y defender la programación xuntu cola esposición d’una unidá didáctica.

El conseyeru en funciones realizó estes declaraciones mientres la so participación nel depósitu de los fondos del Serviciu d’Inspección Educativa nel Arquivu Históricu d’Asturies. La conseyería apurrió más de 2.000 caxes «que tomen más d’un sieglu d’información académica» relativa «a tou el treme educativu», dende colexos hasta alumnos pasando por profesores.

Asina, l’oxetivu de la Conseyería d’Educación ye curiar y poner a disposición de los investigadores «documentos que d’otra manera perderíense».

Tamién te podria gustar