Educación adelantra a xunetu l’alxudicación pa 3.000 interinos

Educación adelantra a xunetu l’alxudicación pa 3.000 interinos
28 mayu 08:55 2020 Imprimir

Educación adelantra a xunetu l’alxudicación de places para más de 3.000 interinos, con una decisión que supón que los centros sepan antes de les vacaciones el personal col que van empezar el cursu per primer vegada n’años.

Los docentes interinos d’Asturies tán acostumaos a conocer el so destín unos pocos díes antes d’incorporase, pero esti añu nun van tener d’esperar tanto. La mayor alxudicación de places de cada cursu realiza los últimos díes d’agostu, una alxudicación que nos últimos años afecta a más de 3.000 docentes. 3.000 profesores qu’empiecen a faer la maleta’l 28 o’l 29 d’agostu ensin saber ónde van trabayar al empecipiar setiembre.

Pero la intención de la Conseyería d’Educación, que pretende facilitar la xera a los centros, que bastantes entueyos tán sufriendo yá metanes la pandemia y la supresión de les clases presenciales, va ser bien distinta. Ayeri, la Conseyería diba aldericar colos sindicatos educativos la so propuesta, que pasa por entamar l’alxudicación d’esos miles d’interinos antes de rematar el mes de xunetu.

La decisión tamién ta rellacionada col fechu de que nun haya oposiciones anguaño, lo que facilita los trámites, yá que nun hai qu’esperar pa correxir y baremar. Amás, esto supon que se tán faciendo yá o se van faer llueu los estudios sobro les necesidaes de plantiya de cada centru de cara al próximu cursu, entendiendo que se van tener en cuenta yá les especiales circunstancies.

  Categories: