Eduardo Berti publica la so esperiencia d’escritor “residente” nun hospital

Eduardo Berti publica la so esperiencia d’escritor “residente” nun hospital
25 xineru 08:10 2021 Imprimir

L’arxentín Eduardo Berti vieno acabante afigurar n’Una presencia ideal , e’l frutu de la so estadía como “escritor residente” nel hospital francés de Ruan, en concretu na unidá de cuidaos paliativos, anque con total llibertá de movimientu, nuna esperiéncia insólita.

“Yera como tar frente a un paisaxe impresionante, bien intensu”. Berti solo tenía que tar allá, reparando, “de día y de nueche, ente selmana y los festivos”. Y, de los sos apuntes sobro la realidá, surdieron unos cuentos, un conxuntu d’hestories protagonizaes por pacientes, enfermeres, camilleros, médicos, unidaes móviles, esteticistes, secretaries, psicólogues, personal de llimpieza… y hasta una llectora voluntaria.

Berti (qu’escribió la obra en francés) fízolo antes de la epidemia de Covid-19 pero la so obra puede lleese como un homenaxe a los sanitarios. “Solo difier el cuadru clínicu, pero non la vocación, el compromisu absolutu col oficiu que tien esta xente. Y un gran arguyu pol so trabayu, que nun ye nada fácil y del que nun suelen falar en detalle por mieu a asustar”.

L’hospital de Ruan convida dacuando a artistes por que se inspiren na realidá sanitaria y humana de los sos pasiellos y habitaciones. “El padre de Flaubert foi director del centru y tienen esa tradición cultural. Tuvieron coreógrafos, artistes plásticos, fotógrafos….”

 

  Categories: