Dos iniciatives d’Avilés reciben n’Estonia’l sellu “URBACT Good Practice City” de la UE

Dos iniciatives d’Avilés reciben n’Estonia’l sellu “URBACT Good Practice City” de la UE
04 ochobre 09:08 2017 Imprimir

Dos iniciatives d’Avilés van recibir n’Estonia’l sellu “URBACT Good Practice City” de la UE esti miércoles 4 na ciudá de Tallin, cola asistencia de la conceyala de Promoción Social, Yolanda Alonso. Tratase de l’aplicación de criterios sociales na contratación pública y el Grupu Local d’Inmigración (GLIA).

El Conceyu d’Avilés va recibir esti miércoles, 4 d’ochobre, el sellu “URBACT Good Practice City” por dos iniciatives municipales: l’aplicación de criterios sociales na contratación pública y el Grupu Local d’Inmigración (GLIA). El pasáu mes de xunu, la Unión Europea reconocer como bones práctiques con potencial para ser tresferíes y aplicaes per otres ciudaes europees, xuntu con otres 97 iniciatives de 29 países. La delegación avilesina va establecer relaciones con otres ciudaes europees comenenciudes en tresferir al so contestu estes iniciatives

La capital d’Estonia, Tallin, acueye del 3 al 5 d’ochobre l’alcuentru nel que se va faer entrega d’estes distinciones, y nel que les delegaciones asistentes van esplicar el conteníu de les sos bones práctiques, estableciéndose asina relaciones para l’estudiu de aplicabilidad de les mesmes n’otros contestos. La delegación avilesina va tar compuesta pola concejala de Promoción Social, Yolanda Alonso, y el director de la Área de Promoción Social, Marco Antonio Llongu.

Alonso va ser la encargada d’esponer y defender los dos bones práctiques avilesines. Les sos intervenciones van tener llugar esti miércoles 4 d’ochobre, a partir de les 11 hores (hora local).

URBACT ye un programa d’intercambiu y aprendizaxe para promover el desenvolvimientu urbanu sostenible. Dexa a les ciudaes trabayar n’equipu para desenvolver soluciones a los grandes retos urbanos, reafitando’l papel fundamental qu’éstes desempeñen n’una sociedá qu’encara cambeos y problemes cada vez más complexos. Ayúdalos a desenvolver soluciones pragmátiques nueves y sostenibles, integrando les dimensiones económica, social y medioambiental. Anima a compartir bones práctiques y llecciones aprendíes con tolos profesionales implicaos na política urbana en toa Europa.

Más información

  Categories: