Sociedá Dos informes científicos abren el camín pa que Carreño y El Franco usen la toponimia tradicional by asturnet 29 de xunu, 2004 written by asturnet 29 de xunu, 2004 52 Carreño y El Franco abren el camín efectivu de la recuperación de los topónimos tradicionales. La Xunta Asesora de Toponimia del Principáu tien ultimaos sendos informes p’afitar los nomes de llugar n’asturianu en dambos conceyos, primeros en solicitar la intervención del organismu asesor y cabezaleros nuna llista de siete municipios a la qu’ayeri s’axuntó l’Ayuntamientu d’Ayer. Na so tercer xuntanza ordinaria, que se cellebró na sé de la Conseyería de Cultura, Comunicación Social y Turismu, allugada n’Uviéu, los miembros de la Xunta Asesora consensuaron los espedientes toponímicos de Carreño y El Franco, si bien queden “seis o ocho duldes” que sedrán resueltes darréu pa cumplir col siguiente pasu qu’establez la llei: Unviar la propuesta de topónimos a dambos ayuntamientos pa qu’estos -y dean el so preste y la devuelvan, aprobada, a la Xunta. De sutaque se cumpla esi trámite, que fontes del organismu asesor prevén “rápidu”, la Xunta de Toponimia podrá elevar el correspondiente informe al Conseyu de Gobiernu pa qu’ésti fixe por decretu los topónimos oficiales de cada conceyu. Lo qu’entá nun decidió la Xunta ye si l’unvíu al Gobiernu de propuestes yá aprobaes polos conceyos va facese en tandes “de dos, de seis o de diez”, decisión de la que va depender cuándo va promulgase’l primer decretu del Executivu afitando los nomes tradicionales de llugar como válidos a tolos efectos n’indicadores de carreteres, mapes, planos y documentación oficial. Hasta agora, ocho conceyos encamentaron los informes pertinentes pa recuperar la so toponimia: Carreño, El Franco, Llanes, L.lena, Llangréu, Xixón y Ayer, cuyes solicitúes yá tán en poder de la Xunta; y Castrillón, que ya comunicó l’unvíu de la documentación necesaria. Col envís de nun interrumpir el so llabor durante’l veranu, la Xunta Asesora de Toponimia, constituyida’l pasáu 18 de mayu, cellebrará a lo menos una xuntanza nel mes d’agostu. Noticia, adelantada n’Asturnews, de la petición de Carreño y El Franco 0 FacebookTwitterPinterestEmail Anterior Naciu Varillas y Pablo Texón ganen el VII Concursu de cuentos pola oficialidá siguiente Los soníos de los sesenta reviven en Xixón de la mano de Chesterfield Kings Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...