Portada Lorient 2005 Dominique Dupuis a la tiesta d’una delegación qu’abluca nel Festival de Lorient: Acadie

Dominique Dupuis a la tiesta d’una delegación qu’abluca nel Festival de Lorient: Acadie

by asturnet

Dominique Dupuis va dexando ablucáu al públicu perillí per ú pasa col so vigulín. Protagonista de dellos conciertos a lo llargo de la selmana en Lorient, sorprende al so públicu munches nueches nel stand de la delegación de L’Acadie col so fiddle virtuosu.

Depués de participar el llunes na recepción que se-y ufiertó a les delegaciones nel Ayuntamientu de Lorient y d’actuar el pasáu miércoles nel Palacio de Congresos xunta Patrick Rimes y Patsy Reid, la virtuosa canadiense entá tuvo tiempu asgaya d’animar el stand de l’Acadie, ya inclusu de pasar pol stand asturianu a contribuyir a la fiesta que cada nueche s’entama nelli. Y pa la nueche d’esti vienres 12 d’agostu va repetir cunta Abnoba y Roland et les Waljacks una nueche vraeramente interesante nel Cabaret asitiáu nel Espace Marine del puertu lorientés.

>foto2>Les actuaciones de Dominiuque son tan intenses como lo ye la so capacidá pa camudar de rexistru col vigulín nes sos manes y amuesense tan virtuoses como animaes nuna conesión permanente col públicu qu’amás de sofitase na so calidá musical failo nun saber estar nel escenariu que combina con milenta sonrises que dexen bien a les clares la so concentración.

Un bon exemplu de la so calidá musical pue ser esta pequeña grabación de la so actuación del miércoles nel Palacio Congresos de Lorient.

Tamién te podria gustar