Música Doctor Explosion pondrá-y música a la presentación de la última película de Tarantino by asturnet 16 de xunu, 2004 written by asturnet 16 de xunu, 2004 42 Doctor Explosion toca pa Quentin Tarantino. La banda xixonesa, qu’acaba sacar al mercáu un doble recopilatoriu col títulu ‘Totus tuus’, actuará el prósimu llunes na fiesta privada cola que’l director norteamericanu cellebrará la presentación en Madrid de la so última película, ‘Kill Bill 2’, folixa a la que tamién asistirá l’actor David Carradine, protagonista’l llagumetraxe. Según una nota pública asoleyada pola productora del grupu xixonés, los integrantes de Doctor Explosion viaxarán a Madrid pa pone-y música a la fiesta ‘vip’ de Tarantino, como continuación d’una rellación de la banda col mundu’l cine fraguada nes bandes sonores de películes como ‘Gente Pez’, ‘Krámpack’ y ‘Torremolinos 73’. Con una reciente y esitosa xira per Italia al llombu, Doctor Explosion afronta yá la so xira de veranu, que va llevalos a escenarios de toa España y a festivales de sonadía internacional como’l Primitive! de Rotterdam, nos Países Baxos. Formada en Xixón hai agora quince años, la banda acabada d’asoleyar el recopilatoriu ‘Totus tuus’, un repasu a la trayectoria’l grupu al traviés d’un mecigayu d’estilos musicales que van dendel punk más salvaxe hastal pop más melódicu, con rexistros contundentes y una vocación de diversión especialmente tanxible nes actuaciones en directu. 0 FacebookTwitterPinterestEmail Anterior El collectivu ‘Oficialidá’ quier ganar pesu con una rede de simpatizantes de cuota reducida siguiente El Circu’l Sol cellebra en Xixón el so vixésimu cumpleaños Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón