Divertia presenta’l llume navidiego de les cais de Xixón

La decoración navidiega, qu’anguaño va sumar más de 3 millones y mediu de puntos de lluz led en Xixón distribuyíos en 501 arcos, 225 motivos, más de 31 elementos en 3D, 12 techos de lluz y 280 árboles allumaos, va adelantrar la so fecha pal prendimientu al 27 de payares pa favorecer al comerciu de la ciudá nuna fecha estratéxica, «Black friday».

Amás, el domingu 29 de payares ye unu de los diez festivos de 2020 nos que los comercios van poder abrir les sos puertes, al igual que’l llunes 7 d’avientu, debíu a la ponte de la Constitución. Nesta ocasión, por cuenta de los encamientos ufiertaos pa frenar les andaes de COVID19, nun se va realizar tradicional actu d’encendíu, pa evitar aglomeraciones.

Lara Martínez, xerente de Divertia,presentó esta selmana nel salón municipal de recepciones el proyectu de llume que va decorar la ciudá nes próximes feches. El proyectu desenvolvióse, y va ser implementáu, por Germán Vizcaín S.L., empresa asturiana ganadora de la llicitación. El presupuestu de la decoración xube a 567.095,62 euros, de nuevu asumíos de forma íntegra pol Conceyu de Xixón.

Más información