Disponibles otra vuelta les bicicletes de “Avilés en bici”

Disponibles otra vuelta dende ayeri les bicicletes del Serviciu municipal de préstamu gratuitu de bicicletes que lleva por nome “Avilés en bici”, la novedá vaser qu’establezse la obligatoriedá del usu de mázcaru y guantes. Tantu les bicicletes como tolos elementos de cada puntu de préstamu van ser desagafaos delles vegaes al día.

El Conceyu d’Avilés punxo de nuevu esti día a disposición de la ciudadanía’l serviciu municipal de préstamu de bicicletes, “Avilés en bici”. L’alcaldesa Mariví Monteserín robló’l martes el Decretu pa la continuación d’esti serviciu, polo que la totalidá de les bicicletes van volver güei miércoles a los distintos puntos de préstamu partíos pela ciudá.

El Decretu de l’Alcaldía especifica que, a partir del miércoles, va ser obligatoriu pa los usuarios del sistema de préstamu tanto l’usu de mázcaru como de guantes, siendo aconseyable la desinfección d’estos con anterioridá al usu de la bicicleta.

El conceyal de Movilidá, Pelayo García, añede que “esisten amás una serie de midíes adicionales que tomamos dende’l Conceyu. Una vegada al día dar en una desinfección integral tanto de les bancaes como de caúna de les bicicletes, pantalles y tolos elementos que componen el serviciu”. Amás, García añede que “los operarios del serviciu de Caltenimientu van realizar, a lo llargo del día, delles desinfecciones tanto de les pantalles de los puntos d’información multimedia como de los manillares de les bicicletes”.

“Faemos un llamamientu al usu responsable d’esti sistema público y compartío de tresporte sostenible na nuesa ciudá, qu’hai de realizase respetando les normes pa garantizar tanto la seguridá propia como la del restu d’usuarios”, conclúi’l conceyal de Movilidá.

El serviciu municipal de préstamu gratuitu de bicicletes “Avilés en bici” cunta na actualidá con 82 bicicletes (22 d’elles eléctriques) y 11 estaciones dotaes con terminales interactivos. El Presupuestu municipal p’anguaño conseña 64.000 € pa la instalación de dos nueves estaciones, que se van allugar en La Carriona y nel Centru Niemeyer.