Portada Conceyos Disponible’l votu telemáticu pal Rei/Reina del Goxu y la Faba del Antroxu avilesín

Disponible’l votu telemáticu pal Rei/Reina del Goxu y la Faba del Antroxu avilesín

by redacción asturnews

El plazu de votación pa la elección del Rei/ Reina del Goxu y la Faba del Antroxu d’Avilés 2022 atópase abiertu, y habilitóse un enllaz dende’l cual votar de forma telemática.

El períodu electoral remata’l llunes 15 de payares na web  y amás del votu online, aquelles persones que quieran participar nel procesu, pueden faelo de forma presencial, na urna asitiada na Oficina Municipal de Turismu, na cai Ruiz Gómez, 21.

Son trés les peñes candidates a la elección, La Santa Jarra, Los Arrexuntaos y Una y pa casa! El día 30 de payares va dase a conocer la propuesta vencedora, coles mesmes, futuru Rei/Reina del Goxu y la Faba. Tamién se va desvelar la tema monográfica sobro’l que va tratar el Antroxu.

Santa Jarra

La Santa Jarra, anque son una peña nueva, nun son nuevos nesto del Antroxu yá que participaron n’otros colectivos antroxeros. La tema de la so candidatura ye ‘Fantasía: un Antroxu de suañu’. Con esta tema busquen dar rienda llibre a la imaxinación onde tengan cabida mundos inventaos en llibros, películes, la maxa, la mitoloxía, los suaños. Prometen que pirates, faes y astronautes van poder vese xuntos poles cais.

Los Arrexuntaos

Los Arrexuntaos apuesten polos videoxuegos col lema ‘Game over: Avilés vuelve xugar’. Esta peña yá participó n’otros antroxos y conciben les pantalles de xuegu como un mundu qu’amás de diversión ufierta inclusión y participación. Dende la so candidatura animen a echar una de les sos partida a los avilesinos y avilesines para pasar unos momentos de diversión con personaxes de los xuegos de Arcade, Pac Man, Deportes FIFA, Mario Bros, Donkey Kong…

Xuna y pa casa!

La peña Xuna y pa casa’ proponen ‘Érase una vegada…un Antroxu’. Trés palabres que lleven a la infancia y a los cuentos. Un terrén fértil para la imaxinación y onde amás de la diversión tengan cabida la sabiduría popular y los mundos por afayar.

Tamién te podria gustar