Disney+ supera los 73 millones de suscriptores en menos d’un añu

by redacción asturnews | noviembre 23, 2020 8:55 am

Disney+ tuvo un empiezu acandilante. Cuando entá nun se cumpliera un añu dende’l so llanzamientu n’Estaos Xuníos, Canadá y Países Baxos, el 12 de payares de 2019, la plataforma de streaming de vídeu de The Walt Disney Company yá superaba los 73 millones de suscriptores de pagu, según publicó la mesma empresa nel so últimu informe de resultancies.

Nel momentu del so llanzamientu en payares, la empresa previera algamar ente 60 y 90 millones de suscriptores pa 2024, xuna estimación que paez bien conservadora dende’l puntu de vista actual, anque hai que destacar que la pandemia de coronavirus probablemente ayudó a que Disney algamara esi oxetivu antes de lo previsto. Tal que asocedió con Netflix, Disney+ probablemente beneficióse del confinamientu y les llimitaciones nes actividaes d’ociu debíes a la pandemia. El so mayor competidor a nivel mundial, Netflix, accesible dende tolos países del mundu con contaes esceiciones, algamó nel tercer trimestre de 2020 los 195 millones d’abonaos.

Fuente: https://es.statista.com[1]

Endnotes:
  1. https://es.statista.com: https://es.statista.com/grafico/21626/suscriptores-de-pago-y-la-disponibilidad-de-disney-/

Source URL: http://asturnews.com/disney-supera-los-73-millones-de-suscriptores-en-menos-dun-anu/