Disney merca Fox nunu de los mayores pactos de la hestoria de Hollywood

25 marzu 11:33 2019 Imprimir

Más d’un añu dempués d’anunciase l’alcuerdu multimillonariu pol que Disney mercaría Fox, finalmente, l’alcuerdu va faese efectivu. 21st Century Fox anunció que l’absorción completóse pola suma de 71.300 millones de dólares y que l’alquisición entró a valir el miércoles 20 de marzu.

Foi por aciu un comunicáu oficial pol que 21st Century Fox fixo pública la culminación del alcuerdu, pol que The Walt Disney Company adquier los sos principales activos, ente los que s’inclúin los sos estudios de televisión y cine sol sellu 20th Century Fox, les sos canales por cable d’entretenimientu y les sos acciones nel marcu internacional.

Los accionistes de Disney y Fox alcordaron el tratu en xunetu de 2018, pero l’aprobación definitiva tuvo qu’esperar tres la conformidá al alcuerdu de los reguladores de México. Col alcuerdu, finalmente, zarráu, Fox xúnese a otros estudios como Pixar, Marvel y Lucasfilm, toos yá so la propiedá de The Walt Disney Company.

El contratu ente dambes empreses ye unu de los mayores pactos que se recuerden na hestoria de Hollywood. Primeramente, n’avientu de 2017, Disney propunxo la compra de les acciones de Fox por 52.400 millones de dólares. Magar recibir el vistu bonu del Departamentu de Xusticia, que comprobó que nun s’incumplieren les lleis antimonopolio, la cifra aumentó a los 71.000 millones de dólares dempués de que Comcast, el conglomeráu más importante d’Estaos Xuníos y al cual pertenez Universal Studios, fixera xuna contraoferta, que provocó que la Disney xubiera la so ufierta pa superar la cifra.

L’alquisición de Fox per parte de Disney tuvo, principalmente, el focu d’atención na xunta de tolos superhéroes de Marvel nun mesmu universu cinematográficu, al incorporase figures como los X-Men, Deadpool o los Cuatro Fantásticos; como tamién la compra de sagues como Avatar, Alíen o series como Los Simpson.

Sicasí, l’alquisición tamién va llevar apareyada un costu llaboral. Según informa SlashFilm, calcúlase que 4.000 emplegaos cuerren el riesgu de perder los sos trabayos cola absorción. En cuanto l’alquisición fáigase efectiva na madrugada del 20 de marzu, van poder conocese más datos sobro la perda de puestos de trabayu que va sufrir l’estudiu, al dexar de ser xuna empresa en solitariu pa pasar a convertise nuna marca subsidiaria.

  Categories: