Disney aforra 90 millones al prescindir de Johnny Depp en Pirates del Caribe 6

Disney aforra 90 millones al prescindir de Johnny Depp en Pirates del Caribe 6
07 xineru 10:36 2019 Imprimir

Disney ta preparando’l regresu de Pirates del Caribe col enfotu de revitalizar la franquicia con una nueva película que nun va cuntar con Johnny Depp. El míticu Jack Sparrow va perdese la próxima película, y la so non contratación va facer aforrar al estudiu 9.0 millones de dólares.

Si l’actor llegara a repitir como’l Capitán Sparrow, el so salariu xubiría a 90 millones de dólares, según informa Forbes. La última entrega de la franquicia, La Vengación de Salazar, tuvo un presupuestu de 220 millones de dólares, de los cualos un terciu foi para pagar a les soldaes de Depp. A pesar de ser una taquillada, con menos de 800 millones de dólares de recaldación la película foi la menos taquillera de les cuatro continuaciones de Pirates del Caribe, solo percima de la primer entrega de la franquicia estrenada en 2003.

El mes pasáu Disney confirmó los planes pa reiniciar la franquicia de Pirates del Caribe colos guionistes de Deadpool 2, Rhett Reese y Paul Wernick, que tán preparando una trama desamorada de les hestories del Capitán Sparrow. Amás del aforru nos costos de producción, rumorease que la esclusión de Depp tamién ye un intentu de Disney por desvenceyase del actor tres les acusaciones de violencia doméstica llanzaes pola ex muyer del intérprete, Amber Heard.

Depp participó nes cinco películes de Pirates del Caribe ya inclusive foi nomáu al Oscar pola so primer interpretación de Jack Sparrow en La Maldición de la Perlla Negra, l’arranque d’una saga que recaldó más de 4.500 millones de dólares en cines. Enagora desconozse si Disney va recuperar al personaxe en dalgún momentu con otru actor, n’una versión más nueva del mesmu, o si a cencielles va quedar fora de les próximes películes.

  Categories: