Turismu Discutiniu en China al ufiertar Airbnb nueches na Gran Muralla by redacción asturnews 9 d'agostu, 2018 written by redacción asturnews 9 d'agostu, 2018 81 La plataforma d’arriendu turísticu Airbnb llevantó angüeñes en China dempués de llanzar una promoción pola que sortea ente los sos usuarios pasar la nueche n’una talaya de la Gran Muralla, el monumentu nacional por excelencia. Ocho viaxeros van tener la oportunidá de pasar la nueche na Gran Muralla de China, considerada una de les mayores maravíes de l’arquitectura antigua y Patrimoniu de la Humanidá de la Unesco, si ganen un concursu internacional que la compañía llanzó nos sos once mayores mercaos: China, Estaos Xuníos, Gran Bretaña, India, Xapón, Corea del Sur, Australia, Alemaña, Italia, España y Francia. P’agospialos, va acondicionase temporalmente una talaya del históricu monumentu de 2.600 años d’antigüedá, allugada na sección de Badaling (al pie de Pequín), que va ser convertida nuna habitación doble, con una cama, decoración y allumada por veles, pero carente d’eletricidá, wi-fi, aire acondicionáu, televisión ya inclusive techu. Nun hai lleis que prohiban a les persones pasar la nueche ellí y delles compañíes de turismu inclusive ufierten paquetes p’acampar, pero ésta va ser la primer vegada na hestoria que s’ufierta daqué similar, asegura Airbnb. La idea de la competición foi la resultancia d’una collaboración entre Airbnb y l’empresa estatal de turismu Beijing Badaling. Les lleis qu’esixen la protección y caltenimientu del monumentu que s’estiende unos 21.000 kilómetros daten de 2006 y prohiben puramente la construcción d’instalaciones que nun sían pal caltenimientu. Magar que el xigante estadounidense asegura que nun se va a poner un solu clavu na acción, la promoción espertó fuertes crítiques ente los internautes chinos, esmolecíos por que’l monumentu pueda sufrir dalgún dañu. Airbnb llanzó un mensaxe claru: “Protexer les reliquies históricu y cultural foi la intención orixinal de la nuesa actividá, y sigue siendo xuna considerancia primordial”, apuntó la compañía en Weibo. La competición, que se cierra’l sábadu, pide a los usuarios que presenten un curtiu ensayu sobre por qué ye importante pa ellos baltar les barreres ente les cultures. A los cuatro ganadores va asignáse-yos una nueche d’estadía ente’l 4 y el 8 de setiembre, y el premiu inclúi viaxes aéreos a Pequín dende los países d’orixe de los ganadores, tarifes de vises chines, según xuna comida, entretenimientu tradicional y una charra de concienciación sobro’l caltenimientu del patrimoniu cultural. 0 FacebookTwitterPinterestEmail Anterior El baillador Jesús Carmona coronase como meyor artista internacional siguiente Ramón Prada fai alcordanza de la maxa de la Nueche Celta na Ilesia de Saint-Louis Tamién te podria gustar Uviéu programa’l ciclu Vetusta Jazz con artistes como... Una ventena de países africanos xúnense al Foru... Xixón va acoyer el V Alcuentru de la... Presentáu’l segundu capítulu de ‘Gijonomía’: una hestoria de... Nueva ruta de realidá aumentada na Casa Natal... Cirque du Soleil representará en Xixón OVO pal... Turismu activa’l Navibús, que va dexar esfrutar d’un... El Tren Navidiegu va percorrer el centru d’Avilés... La Fundación de Cultura anicia los itinerarios sobro... Récord de públicu nes actividaes del CILCAC d’Avilés...