Diez escueles de Xixón fomenten en conxuntu l’usu del asturianu

27 abril 23:37 2006 Imprimir

Los maestros d’asturianu de diez escueles de Xixón decidieron axuntase pa sacar alantre, en conxuntu, la XI edición de les Xornaes de Llingua y Cultura Asturiana, qu’empiecen esti vienres y que se van allargar hasta’l Día de les Lletres, el prósimu 5 de mayu. Coordinaos pol director de la escuela García Lorca, Miguel Badal, van llevar a más de dos mil nenos a participar en tou tipu d’actividaes rellacionaes cola llingua como son talleres, conciertos y concursos.

A lo llargo d’estos díes va facese entrega de premios del concursu ‘María Teresa González’ de carteles, poemes y testos ilustraos nel centru municipal d’El Natahoyo; van poder ver un conciertu de Xentiquina; facer talleres de cocina tradicional asturiana y de vistimenta tradicional; asina como sendes de percorríu rural pel conceyu xixones.

Les diez escueles que formen parte d’esta iniciativa son l’Atalía, Xove, Tremañes, Martínez Torner, Cervantes, García Lorca, Montiana, Principe de Asturias, Santa Olaya, Lloreu y Martínez Torner.

  Categories:
Loading Facebook Comments ...