Diego Fernández gana’l Concursu de Gaita de Bimenes

Esti sábadu pasáu, 10 d’avientu, tuvo llugar en Santuyano el XVII Concursu de Gaita de Bimenes, certame entamáu pol Conceyu Bimenes. El ganador d’esta edición foi’l gaiteru xixonés Diego Fernández Martínez, de 19 años d’edá.

Diego Fernández llevose los 200 € en metálicu y el troféu del primer premiu. El segundu premiu, dotáu con 100 € y troféu, foi pal gaiteru Jaime Álvarez Fernández, de 16 años y natural de Siero. Y el ganador del tercer premiu, al que se-y apurríen 75 € y troféu, foi Adrián Villa Tejerina, tamién de 16 años y natural de Siero. Nel concursu participaren finalmente seis gaiteros qu’interpretaren dos pieces cada ún, siendo valoraes les mesmes por José Ramón García Navia, Jesús Miguel Gómez Pellico y José Luis García Díaz, miembros del xuráu na edición d’esti añu.