Diana Navarro presenta “Resiliencia” nel Xovellanos

12 ochobre 10:26 2018 Imprimir

“Resiliencia” puede dicise que ye’l trabayu más ventureru y personal de Diana Navarro, una artista en constante evolución, onde compunxo la gran mayoría de cantares y arrodióse de los más grandes músicos del panorama actual qu’agora va ufrir nel Xovellanos esti vienres 12 a les 20.30 hores.

Por fin podemos volver esfrutar de nuevos cantares d’una de les voces que marcaron un antes y un dempués de la música del nuesu país,una voz única qu’ablucó cuando en 2005 apaeció’l so primer discu, Nun Escaezas de mi, del que se vendieron 250.000 exemplares y consiguió doble platino n’España. conscientes de que l’impactu del so primer álbum y del cantar Solu yera malo de repitir, Diana Navarro nun dexó de trabayar y estudiar hasta’l so últimu discu Resilencia.

Más desnuda que nunca vien equí Diana Navarro: “Rota y recompuesta, carnal, humilde y poderosa. Diana juguetona, Diana actriz, Diana folclórica, Diana elegante, Diana correndera, Diana flamenca, Diana melódica, Diana cazadora, Diana apurrida. “Desnuda vengo equí” confiesa una Diana igual y distinta, doblada y puesta de pies. Diana resiliente… ¡Diana total!” como recueye’l cartafueyu que fai anuncia del conciertu.

 

  Categories: