Detecten un escesu d’aforu nel Arenal Sound y atayen trés conciertos

04 agostu 08:40 2017 Imprimir

El festival Arenal Sound que se celebra estos díes en Burriana (Castellón) atayó los trés últimes actuaciones previstes pa la xornada del miércoles por cuenta de “problemes técnicos”, según informó la organización del eventu.

Per otra parte, la Policía de la Generalitat detectó un escesu d’aforu nel certame polo que llevantó acta, según l’Axencia de Seguridá y Repuesta a les Emerxencies. Los impulsores del Arenal esplicaron, al traviés d’un comunicáu, que “problemes técnicos fixeron que se tuvieren qu’atayar los trés últimes actuaciones de la nueche” del pasáu miércoles.

Amestaron que tán “trabayando pa intentar que toos estos artistes puedan ser reasitiaos mientres los próximos díes” na programación del festival. Dende la organización señalaron que la segunda xornada d’Arenal Sound 2017 arrincó cola programación del Pool Stage y a les 21.00 hores empezó “una de les actuaciones más especiales, la de Bely Basate encandilaba al públicu asistente, ente que Varry Brava convirtió la cortil nuna auténtica fiesta”.

Per otru llau, la Policía Autonómica detectó esti miércoles un escesu d’aforu nel festival polo que se llevantó acta, declaró’l director de l’Axencia de Seguridá y Repuesta a les Emerxencies, José María Ángel, que repostió qu’esta mañana celebróse una xunta en tonu cordial” con el organizadores del eventu musical pa pidi-yos que se cumpla la normativa que s’estableciera enantes y que por que el alcuentru musical se faiga con toles garantíes del mundu”.

  Categories: