Portada Cine Desplechin abre Cannes con un drama de fría acoyida

Desplechin abre Cannes con un drama de fría acoyida

by redacción asturnews

El cineasta francés Arnaud Desplechin abrió esti xueves la 70 edición del Festival de Cannes con Les fantômes d’Ismaël, un drama encabezáu por Marion Cotillard y Charlotte Gainsbourg que dexó a l’audiencia indiferente.

La película, proyectada nel so formatu recortáu, de 154 minutos, centrase nun director que’l so universu mental y amorosu vese tresmanáu pol regresu d’un amor al que daba per sumíu, y ta tamién protagonizada por Mathieu Amalric, con quien el cineasta trabaya per sesta vegada.

La versión francesa” que llegó a Cannes fora de competición, según esplicó Desplechin en conferencia de prensa, ye más “sentimental” que la “orixinal” que se va estrenar nos cines, y ta dirixida a el espectadores avezaos al so llinguaxe y cinematografía.

Desplechin, autor de “Jimmy. P”, qu’aspiró a la Palma d’Oru en 2013, de “Trés alcordances de la mio mocedá” (2015) o de “Reyes y reina (2004), autor de cultu de la cinematografía gala, dixo recibir con “emoción” la so selección pa inaugurar esti 70 aniversariu del certame. “Ye un puestu un pocu mas protexíu qu’en competición. (…) Claro que tarrezo la reacción de les crítiques, pero paezme menos peligrosu qu’en competición, onde de cutiu la prensa francesa ta más estremada”, dixo’l director.

La película nun arrincó nin un aplausu ente los presentes na so proyección mañanera, la que preciede a la gala d’apertura, qu’esta tarde va ver pasar pola so cotizada alfombra colorada a los protagonistes del filme. Ente ellos, Gainsgbourg, premiu a la meyor actriz en 2009 por “Anticristu”, de Lars Von Trier, y Cotillard, una habitual de la Croisette, qu’hasta agora siempres se foi de la mesma coles manos vacíes.

Tamién te podria gustar