Portada Sociedá Deporte y redes sociales: Reyes nel terrén de xuegu y en Instagram

Deporte y redes sociales: Reyes nel terrén de xuegu y en Instagram

by redacción asturnews

De los diez astros del deporte más popular en Instagram, nueve son xugadores profesionales de fútbol. Y non solo eso, sinón que la mayoría d’ellos xugaron en dalgún momentu de la so carrera na Lliga Española.

Les redes sociales son una parte cada vez más influyente na vida cotidiana de la población. Yá sía por trabayu o por ociu, son pocos los qu’a día de güei nun tienen una cuenta d’usuariu en Twitter, Facebook o Instagram. Los deportistes d’élite nun podíen ser menos, pala allegría de los sos miles de fans alredor del mundu. Agora bien, como nel terrén de xuegu hai quien llogra destacar sobro’l restu gracies a los chutes a puerta, los sos mates o la velocidá de los sos saques, les redes sociales tamién tienen los sos propios reis, colos futbolistes como personaxes principales.

Como amuesa esta infografía de Statista, de los diez astros del deporte más popular en Instagram, nueve son xugadores profesionales de fútbol. Y non solo eso, sinón que la mayoría d’ellos xugaron en dalgún momentu de la so carrera na Lliga Española. Esi ye’l casu de Cristianu Ronaldo, delanteru del Real Madrid y xugador de la selección portuguesa, que, con aprosimao 113,7 millones de siguidores, encabeza la llista. Sígue-y el brasileñu Neymar, protagonista del trespasu más caru de la hestoria d’esti deporte, y l’arxentín Lleo Messi, dambos percima de la barrera de los 80 millones de siguidores, según datos de la páxina de comparancia de influencers de Instagram InfluencerDB.

Tamién te podria gustar