Depeche Mode va actuar en Barcelona y Madrid n’avientu

15 xunetu 14:55 2017 Imprimir

La pernomada banda británica Depeche Mode va tornar a España esti iviernu como parte de la temporada d’iviernu del Global Spirit Tour con dos conciertos, en Barcelona’l 7 d’avientu nel Palau Sant Jordi y en Madrid el 16 d’avientu nel WiZink Center.

Asina lo anunciaron esta selmana dende Sony Music nun comunicáu, nel que sumen estes dos nueves feches pa España nesta xira qu’arrincó’l pasáu 5 de mayu n’Estocolmo y que va cuntar con más d’una trentena de conciertos en 21 países d’Europa, incluyendo paraes en llugares emblemáticos como los estadios de Francia de París o’l de San Siro en Milán (Italia).

La xira de branu, que va acabar el 23 de xunetu, va volver n’agostu, setiembre y ochobre a escenarios d’América del Norte, incluyendo cuatro nueches de grabación nel Hollywood Bowl de Los Ánxeles, antes de tornar a Europa y depués siguir nos estadios d’América Llatina en marzu de 2018. El Global Spirit Tour sofita’l decimocuartu álbum d’estudiu de la banda formada por Martin Gore, Dave Gahan y Andrew Fletcher, “Spirit”, y llanzáu el 17 de marzu pola discográfica Columbia Records.

  Categories: