Portada Música Depeche Mode anuncia nuevu álbum y xira

Depeche Mode anuncia nuevu álbum y xira

by redacción asturnews
Foto: anna Hanks (https://www.flickr.com/photos/annaustin/)

Depeche Mode desveló esta selmana les primeres feches de la so nueva xira internacional, “Global Spirit Tour”, na que van presentar nuevu álbum y que va llegar a España’l próximu mes de xunetu pa exercer como cabeces del festival Bilbao BBK Live, nos díes 6, 7 y 8 d’esi mes.

L’anuncia ficiéronla nuna gran rueda de prensa celebrada en Milán retresmitida per internet, onde la banda formada por Martin Gore, Dave Gahan y Andrew Fletcher antemanó qu’el so próximu discu va publicase en primavera, que va llevar el nome de “Global spirit” y que, na so opinión, “va tener un soníu inspirador”.

Foi en 2013 cuando’l tríu británicu publicó’l so últimu discu d’estudiu, “Delta machine”, el decimotercer álbum de la so discografía, qu’arrincó con “Speak & Spell” (1981) y algamó un gran nivel de reconocencia gracies a trabayos como “Music for the masses” (1987) o “Violator” (1990), el más vendíu de la so carrera.

La so nueva xira internacional va arrincar el 5 de mayu y va cuntar con 32 conciertos en 21 países, con una única parada, la que va tener llugar na capital vizcaina, dientro del festival Bilbao BBK Live!, que na so última edición axuntó a 102.865 persones. L’últimu pasu de Depeche Mode per España tuvo llugar en xineru de 2014, con una doble cita nel Palaciu de los Deportes de la Comunidá de Madrid.

Tamién te podria gustar