Portada Cine Dellos bares d’Uviéu esiben los curtios del festival itinerante “La boca del Lobo”

Dellos bares d’Uviéu esiben los curtios del festival itinerante “La boca del Lobo”

by asturnet

Dende’l 11 y hasta el 16 de payares los llocales pertenecientes a l’asociación Oviedo Nosepara acueyen al octavu certame itinerante de curtiometraxes “La boca del lobo”, que ñació va 10 años en Madrid, del que van esibise los 70 curtios que participaron na edición de 2006 del festival. La entrada va ser llibre en tolos pases nos llocales de la asociación, ente los que tan La Calleja de la Ciega, Flamin’, La Caja Negra, El Olivar, Kin cafe &Lounge y El Clandestino.

Esta ye la primer vuelta na que les obres d’esti prestixosu festival visiten el Principáu y pa la ocasión los responsables de Oviedo Nosepara llograron traer pal públicu ovetense los 70 curtios que participaren na final del añu 2006. A esa edición del festival presentáronse más de 700 trabayos de directores españoles e internacionales de paises como Paraguay, Egipto, Italia, Polonia o Arxentina ente otres nacionalidaes.

Los seis llocales que pertenecen a la asociación tan esibiendo los curtios en sesiones de dos hores poles tardes y nueches d’esti mes de payares. Los horarios d’esibición son los siguientes: En La calleja de la Ciega a les 21:00; en El Clandestino de llunes a vienres a les 21:00 y los domingos a les 20:00; en el Flamin’ a les 20:30; en La Caja Negra a les 18:00 y a les 23:00: en El Olivar a les 19:00; y nel Kin a les 19:30 hores.

Tamién te podria gustar