SociedáTurismu Defensa abre La Vega pa preparar les I Xornaes de Patrimoniu Industrial by redacción asturnews 27 d'abril, 2016 written by redacción asturnews 27 d'abril, 2016 70 El conceyal d’Urbanismu d’Uviéu, Ignacio Fernández del Pandorial, visitó la emblemática factoría uvieina pa entamar la ruta empuesta del 14 de mayu na que se va percorrer esta fábrica, l’Ecomuséu Mineru Valle de Samuño y Bustiello. Representantes del Ministeriu de Defensa visitaron la fábrica d’armes de La Vega al pie de el organizadores de les I Xornaes de Patrimoniu Industrial, ente ellos el conceyal d’Urbanismu, Ignacio Fernández del Pandorial. La visita a la emblemática factoría uvieina, una pieza de gran valor patrimonial y urbanu, sirvió pa preparar una ruta empuesta na que los ciudadanos comenenciudos van poder conocer les sos instalaciones amás del Ecomuséu Mineru Valle de Samuño, en Llangréu, y Bustiello, en Mieres, dientro de les xornaes de Patrimoniu Industrial qu’entamen los trés conceyos y l’Universidá d’Uviéu. P’asistir a la visita a La Vega, que ta prevista pal sábadu, 14 de mayu, ye precisu inscribise, ente’l 7 y el 13 de mayu, na web www.jornadaspatrimonioindustrial.es. Les places son llindaes, y van otorgase por orde d’inscripción. Esi mesmu día, van celebrase otros dos visites a llugares emblemáticos de patrimoniu industrial, a Bustiello (Mieres) y al Ecomuséu de Samuño, en Llangréu. Les I Xornaes de Patrimoniu Industrial, que surden de la collaboración ente los trés conceyos, la Universidá d’Uviéu y l’Arquivu de Fontes Orales pa la Hestoria Social d’Asturies (AFOHSA), pretenden valorizar, estudiar, caltener y, na midida de lo posible, poner n’usu’l patrimoniu industrial pal esfrute de la ciudadanía, partiendo de la premisa de que la riqueza industrial influyó y enforma na mentalidá y na realidá sociu-cultural de los trés conceyos, de la que configuró los sos paisaxes industriales que formen yá parte de la memoria colectiva y tán indefectiblemente xuníos a la identidá d’estos trés conceyos. Un ambiciosu programa con múltiples escenarios Esposiciones, teatru, meses redondes, talleres infantiles, ponencies o visites empuestes son dalgunes de les múltiples propuestes que’l programa de les I Xornaes de Patrimoniu industrial inclúi p’averase al heriedu del nuesu pasáu industrial dende diverses perspectives. Les actividaes programaes van desenvolver nos trés conceyos participantes y pretenden trazar una visión afecha y realista del estáu de caltenimientu y posibilidaes de recuperación y reactivación socioeconómica amestaes a esti patrimoniu. L’elencu de ponentes inclúi a arquiteutos, urbanistas ya historiadores que son referentes internacionales y van llegar a Asturies dende Francia, Alemaña, Barcelona o Madrid. Programa íntegru de les I Xornaes de Patrimoniu Industrial: http://goo.gl/J7BWRi 0 FacebookTwitterPinterestEmail Anterior La xestión de los Bancos de Llibros centra’l próximu taller formativu pa les AMPAs d’Avilés siguiente García Granda pide otra vuelta’l votu n’asturianu nel día que lu sofita Sánchez Lazo Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...