Deféndese una tesina pionera nel estudiu’l (trans)xéneru na música tradicional asturiana

by asturnet | octubre 5, 2012 4:40 am

Esti viernes 5 d’ochobre va tener llugar la defensa la tesina entitulada Gaiteres y pandereteros. Xéneru, transxéneru y poder na música tradicional asturiana. L’actu ye públicú y entamará a les 12 la mañana na Sala Xuntes del Departamentu de Filosofía de la Facultá de Filosofía y Lletres de la Universidá d’Uviéu (planta baxa del edificiu alministrativu del campus d’El Milán).

La investigación, que ta firmada pol musicólogu asturianu Llorián García Flórez y dirixía pol profesor d’etnomusicoloxía José Antonio Gómez Rodríguez, ye la primera d’esta triba de les feches al rodiu la música tradicional asturiana. Dedicada a l’analís de dellos roles de xéneru invertíos (la gaita como instrumentu d‘homes tocáu por muyeres y la pandereta como instrumentu de muyeres tocáu por homes), la temática d’esta tesina abre una llínia d’investigación pionera y novedosa pal conxuntu los estudios sobre xénerú y músiques tradicionales producíos nel estáu español.

Source URL: http://asturnews.com/defendese-una-tesina-pionera-nel-estudiu%c2%92l-transxeneru-na-musica-tradicional-asturiana/