Deféndese una tesina pionera nel estudiu’l (trans)xéneru na música tradicional asturiana

05 ochobre 04:40 2012 Imprimir

Esti viernes 5 d’ochobre va tener llugar la defensa la tesina entitulada Gaiteres y pandereteros. Xéneru, transxéneru y poder na música tradicional asturiana. L’actu ye públicú y entamará a les 12 la mañana na Sala Xuntes del Departamentu de Filosofía de la Facultá de Filosofía y Lletres de la Universidá d’Uviéu (planta baxa del edificiu alministrativu del campus d’El Milán).

La investigación, que ta firmada pol musicólogu asturianu Llorián García Flórez y dirixía pol profesor d’etnomusicoloxía José Antonio Gómez Rodríguez, ye la primera d’esta triba de les feches al rodiu la música tradicional asturiana. Dedicada a l’analís de dellos roles de xéneru invertíos (la gaita como instrumentu d‘homes tocáu por muyeres y la pandereta como instrumentu de muyeres tocáu por homes), la temática d’esta tesina abre una llínia d’investigación pionera y novedosa pal conxuntu los estudios sobre xénerú y músiques tradicionales producíos nel estáu español.

  Categories:
Loading Facebook Comments ...