Decúbrese un nuevu grabáu d’un bisonte na cueva del Pindal

22 agostu 03:05 2005 Imprimir

El director xeneral de Promoción Cultural y Política Llingüística, Carlos Madera, va presentar esti martes 23 na sé de la Conseyería el descubrimientu d’un nuevu grabáu rupestre na cueva del Pindal. L’afayu atopólu nun relieve de les parés de la caverna la propia guía del yacimientu preshestóricu, María Pumariega. La pintura representa la tiesta d’un bisonte.

Fontes de la Conseyería de Cultura destacaron la importancia del descubrimientu en cuantes se trata de la representación d’un bisonte entamada a partir d’un relieve naural de la paré qu’evoca esa forma. Pa los responsables de la Conseyería l’interés del afayu ye doble: per un llau ye una representación indédita y per otru el tratamientu dau pol artista rupestre al relieve natural estrema a esti grabáu del restu de les pintures del Pindal.

La presentación del afayu va facese mañana martes 23 na propia Cueva del Pindal y van acompañar al director xeneral de Promoción Cultural, la descubridora de la pintura, María Pumariega y el responsble de Patrimoniu de la Conseyería, Ignacio Alonso.

  Categories:
Loading Facebook Comments ...