Decepción tres d’una xunta de los bloggers y periodistes españoles col Ministeriu de Cultura

La decepción yera amosada por tolos periodistes y bloggers convocaos esti xueves pela mañana pola Ministra de Cultura, González Sinde, pa falar del Manifiestu en defensa de los drechos fundamentales n’Internet qu’ayeri miércoles espublizaron cientos de medios y blogs españoles.

Sinde, que dixo na xunta nun tar ablucada pola contestación xeneral a la propuesta gubernamental, afitó la so predisposición “a escuchar” tolos puntos de vista y a desplicar “bien” la estratexa del Gobiernu pero ensin argumentar un res nin desplicar verdaderamente’l significáu de les decisiones que contempla l’anteproyectu que tuvo la contestación xeneral de la Rede n’España.